Yula.la ຂ່າວ

ເມື່ອທ່ານອາຍຸຫຼາຍຂຶ້ນ ສຸຂະພາບຂອງທ່ານກາຍເປັນບສິ່ງສຳຄັນທີ່ທ່ານຕ້ອງເບິ່ງແຍງ ເພື່ອໃນກໍລະນີທີ່ຮ່າງກາຍອ່ອແອລົງຫຼືມີເຫດການທີ່ບໍ່ຄາດຄິດເກີດຂຶ້ນ. ທ່ານອາດຈະພິຈາລະນາຊື້ປະກັນໄພສຸຂະພາບເພື່ອຄອບຄຸມຄ່າໃຊ້ຈ່າຍດ້ານການປິ່ນປົວຂອງທ່ານ. ແຕ່ປະກັນສຸຂະພາບກໍ່ມີຫຼາຍແບບ ພ້ອມຂໍ້ສະເໜີທີ່ໜ້າດຶງດູດ ຈາກຫຼາຍບໍລິສັດປະກັນໄພໃຫ້ທ່ານເລືອກ, ເຊິ່ງມັນອາດຈະເຮັດໃຫ້ທ່ານເລືອກຍາກ. ແຕ່ຢ່າກັງວົນ, yula.la ຈະພາທ່ານມາຮູ້ຈັກກັບປະກັນສຸຂະພາບໃຫ້ຫຼາຍຂຶ້ນ ແລະ ຮຽນຮູ້ໄປນຳກັນວ່າສິ່ງທີ່ທ່ານຄວນຊອກຫາໃນປະກັນສຸຂະພາບຄວນມີຫຍັງແດ່

1. ອາລີອັນ ປະກັນໄພລາວ

2. ປະກັນໄພ ລາວ-ວຽດ

3. ພຣູເດັນຊຽວ

4. ກຸງເທບປະກັນໄພ

5. MSIG ປະກັນໄພ

6. ວຽງຈັນ ປະກັນໄພ

7. ພົງສະຫວັນ ປະກັນໄພ (ເອພີເອ)

8. TKi ປະກັນໄພ

9. ທິບພະຍະ ປະກັນໄພ

10. ໂຕໂກ ປະກັນໄພ

11. ລ້ານຊ້າງ ປະກັນໄພ

12. ເອັສທີ-ເມືອງໄທ ປະກັນໄພ

13. BSH ປະກັນໄພລາວ

ທ່ານອາດຈະເຫັນວ່າມັນມີຫຼາຍບໍລິສັດ ແຕ່ບໍ່ຕ້ອງເປັນຫ່ວງ ມັນໝາຍ

ຄວາມວ່າທ່ານມີຕົວເລືອກຫຼາຍແບບໃຫ້ທ່ານເລືອກ ກ່ອນອື່ນທ່ານຕ້ອງຮູ້ວ່າທ່ານຕ້ອງການຍັງຈາກປະກັນໄພຊຸດນີ້ ເຊິ່ງທ່ານຕ້ອງເບິ່ງຈາກສິ່ງເຫຼົ່ານີ້ເຊັ່ນ

- ວິເຄາະຄວາມສ່ຽງທີ່ກ່ຽວຂ້ອງກັບສຸຂະພາບຂອງທ່ານ

- ຮູ້ສິດທິພື້ນຖານຂອງທ່ານໃນດ້ານສຸຂະພາບ

- ເບ້ຍປະກັນເທົ່າໃດ

- ສະຖານະໃນຄອບຄົວຂອງທ່ານ

ຫຼັງຈາກການວິເຄາະຄວາມຕ້ອງການຂອງທ່ານໃນການຊື້ປະກັນສຸຂະພາບ, ລອງປຽບທຽບແຜນປະກັນໄພເພື່ອເບິ່ງວ່າອັນໃດເໝາະສົມແລະຄຸ້ມລາຄາທີ່ສຸດສຳລັບທ່ານ. ໃນຊຸດປະກັນໄພໜຶ່ງ ປົກກະຕິແລ້ວແມ່ນຈະມີຄື: ການຄຸ້ມຄອງ, ຂອບເຂດໃນການຄຸ້ມຄອງ, ແລະ ຂໍ້ກຳນົດແລະເງື່ອນໄຂ. ປະກັນສຸຂະພາບມີຫຼາຍປະເພດທີ່ທ່ານເຊັ່ນ: ການປະກັນໄພພະຍາດຮ້າຍແຮງ, ການປະກັນໄພຄົນເຈັບ, ການປະກັນໄພອຸປະຕິເຫດ. ນອກຈາກນີ້ທ່ານຄວນກວດສອບກັບບໍລິສັດປະກັນໄພຖ້າວ່າມີຜົນປະໂຫຍດອື່ນໆບໍ່ ເຊັ່ນ: ປິ່ນປົ່ວແຂ້ວ, ການເກີດລູກ, ການບໍລິການພະຍາບານພິເສດ, ຄ່າໃຊ້ຈ່າຍສຳລັບການບາດເຈັບ ແລະ ການ​ເຈັບ​ປ່ວຍ ທີ່ສູງ, ແລະອື່ນໆ.

ນີ້ແມ່ນພື້ນຖານຂອງການຊື່ປະກັນໄພຊີວິດ ເພື່ອໃຫ້ທ່ານສາມາດເລືອກຊື້ປະກັນໄພໄດ້ງ່າຍຂຶ້ນ. ການຊື້ປະກັນເປັນສິ່ງທີ່ຈຳເປັນ ໃນເມື່ອທ່ານເຈັບປ່ວຍຂຶ້ນມາ ທ່ານຈະໄດ້ບໍ່ຕ້ອງຈ່າຍຄ່າປິ່ນປົວຫຼາຍກວ່າທີ່ຄວນ ແລະ ໄດ້ຮັບການຄຸ້ມຄອງຕາມແຜນໃນປະກັນ. ອ່ານມາຮອດນີີ້ແລ້ວ ທ່ານໜ້າຈະໄດ້ຄວາມຮູ້ເລື່ອງປະກັນສຸຂະພາບພໍສັງເຂບໄປແລ້ວ ໃຫ້ທ່ານລອງສຶກສາຊຸດປະກັນສຸຂະພາບທີ່ເໝາະສົມກັບທ່ານ ເພື່ອໃຫ້ຄວາມເປັນຢູ່ຂອງທ່ານໄດ້ຮັບການຄຸ້ມຄອງທີ່ດີ

ບົດຄວາມໂດຍ : ວະນິດາ ສຸວັນນະວົງ